Jeana中秋失初夜 教保貞操咪亂飲嘢
大時大節是年輕人出動外蒲的好時機，但女生要懂得保護自己，以免酒後亂性「蝕底」人前，一眾o靚模如新八模Jeana（何佩瑜）、妄攝女Debby（曾麗儀）和Dada Lo（盧頌之）大談個人經歷。
其中Jeana承認在佳節將初夜獻給男友：「不過唔係平安夜，係中秋節，可能佢喺月圓之夜變咗人狼！」
Jeana說聖誕節是開心日子，不過女生要小心保護自己，去party勿隨便飲陌生人請的飲品：「行開咗就唔好飲番同一杯嘢，避免畀壞人有機可乘落迷藥。」她又說若然不想被男友「氹」上床，一於用拖字訣：「我會同佢講不如正日先啦，到正日再用其他藉口。」
而Dada Lo和Debby則表示未試過在平安夜失身，Dada提供防狼招：「有咩唔對路就即刻逃離現場，話阿媽叫返屋企飲湯。」Debby則說：「我一去派對就飲好多，好易醉，不過每次去玩都只係同熟朋友去，唔會有意外，試過有陌生男仔埋身，朋友會幫我擋駕。」
