鄺敏慧被打一周年 聖誕唔祝邦邦快樂
o靚模鄺敏慧（中巴）去年聖誕前被崔建邦（邦邦）毆打及鬧上法庭，至昨日剛滿一周年，昨日中巴現身觀塘東廣場《聖誕Cooking Beauty大比拼》，她慨嘆時間過得快：「唔開心嘅嘢我都放低咗，冇再去諗，我依家開朗咗好多。（有冇祝崔建邦聖誕快樂？）同佢冇再聯絡。我聖誕會開工，雖然冇得同男友Evan一齊過，但佢明白我係為咗工作，我亦唔擔心佢趁聖誕去陪其他女仔。」
同場高海寧則以低胸短裙示範煎心形牛扒，自認廚藝了得的她說：「中、西餐、甜品、曲奇我都識，阿爸話我整嘅芝士蛋糕可以開舖，聖誕我會整朱古力請同事食。（少年廚神林澄光有冇約你過聖誕？）冇呀，或者會send訊息祝佢聖誕快樂。之前雜誌寫我單嘢（被速食）唔係事實，所以同佢見面唔會尷尬。」
