陳靜平安夜險遭醉狼奪處

佳節當前，「百果園咪神」DaDa變身聖誕女神，在平安夜向fans送上祝福，希望他們與愛人共度甜蜜佳節，未有男友的她惜要孤獨過節，惟有以啤啤熊公仔暫代男友位置。

借醉霸王硬上弓

DaDa坦言平安夜是失身的高危日，大爆數年前險些失身的經歷，警惕少男少女甜蜜要有界線，切勿在平安夜酒後亂性。她說：「有一年平安夜，嗰時過咗16歲，仲係處女，去咗朋友嘅屋企燒嘢食，我哋傾偈、玩遊戲，打算玩通宵。我飲咗酒，有少少醉，而個男仔就飲到好醉，我上去二樓個廁所，出番嚟嘅時候，見到個男仔喺門口等我，一見到我就衝過嚟攬住我，話鍾意我，仲推我入番廁所狼吻，我愈掙扎，佢就愈想壓住我，但我醉咗唔夠力反抗，佢係咁掃我條腰，仲想除我件衫，佢又解開自己條皮帶，我好驚！」

去派對咪追酒飲

當時手無搏雞之力的DaDa，幸得「英雄」救美才成功「保處」：「好彩當時屋主個妹咁啱想去廁所，推門入嚟見到都呆咗，我就即時衝出去，搭的士走。本來我對個男仔都有好感，但之後都唔敢聽佢電話，亦都唔敢發展。」

DaDa憶述驚險經歷時猶有餘悸，強調在聖誕派對要玩得小心：「唔好追酒飲，如果同穩定嘅男友一齊，絕對要用安全套。」她今年或會與同門的好姊妹，開單身女士派對慶祝，屆時可放心大玩特玩。

談到聖誕願望，因買樓而捲入出席富豪飯局傳聞的DaDa，不避嫌表示想擲千萬買豪宅，她說：「我想愈住愈好，愈住愈豪！仲想買千萬豪宅。（不怕被指靠富豪？）我都冇男朋友，被人包養嘅傳聞係假嘅，我都想有個男友可以依靠呀。」

文：專案組　攝影：攝影組