吳雨霏教傅穎治情傷
吳雨霏昨日為時裝店開幕剪綵，剛受情傷的她透露，日前與友人用塔羅牌占卜：「我都有問愛情，佢話冇乜特別嘢發生，事業就會好好，不過感情就唔好諗咁多喎。（失望？）少少啦，依家真係有啲Lonely，不過我向來都專注喺事業上面，所以佢話我事業會好好，我都安心啲。」
她強調自己不是迷信的人，只是貪得意試試。對於好友傅穎日前在活動上提及緋聞男友羅仲謙時情緒激動，吳雨霏以過來人身份安慰對方謂：「我會傳短訊畀佢，希望佢盡快冇事忘記傷痛，我都係咁架咋！（約佢齊齊療傷？）我會打個電話畀佢，唔會咁刻意。」吳雨霏表示現時心情已平復不少，因為最近都很忙可以專心寄情工作。
