Rosemary大勇M胸回歸
千呼萬喚，涉在美國犯兩宗罪的名模Rosemary昨晚終在港首度復出行騷，狀態十足，大騷M字胸「乳」出驚人，提起女兒一臉甜笑的Julie媽，平時甚少外出的她特意捧女場，更大讚面容飽滿的女兒為健康型model！
名模Rosemary於今年九月於美國涉藏毒及撞車後不顧而去兩宗罪後，一直低調未有公開見人，工作更是呈休止狀態，除了早前到北京為設計師何國鉦行騷外，一直未有在港工作，至昨晚Rosemary為好友黎曉靈（Kimmy）代理的法國首飾品牌Violette par Larme Violette活動正式露面，除了上陣演繹首飾外，更親自策劃是晚首飾騷。同場出席嘉賓包括Angelababy師妹模特兒楊汀叮、趙碩之、施念慈旗下的「爆E超蓮」鍾永慧、梁郁霖及傅穎等。
不接受訪問
久未在港行騷的Rosemary，昨晚明顯精神飽滿，狀態十足，並以M字胸上陣演繹，大搶「峰」頭，成為全場焦點。由於昨晚是黎曉靈提早慶祝的生日派對，故完騷後Rosemary親自獻上蛋糕，更言和對方是好友。完騷後Rosemary未有接受訪問，Julie表示Rosemary不是怕了傳媒而拒受訪：「因為今日係Kimmy嘅party，唔想搶咗主人家嘅風頭。（覺得囡囡表現點？）我係媽咪梗係覺得好，（佢係咪肥咗？）佢不嬲都豐滿，有啲model太瘦，佢係健康型。」她續說女兒現跟她同住，並向她講道。
被視幸運星
本在平安夜生日但昨晚提早慶祝的Kimmy，說感謝Rosemary主動提出一腳踢策劃整個騷，問到是否義務，她說：「佢喺我心目中係無價，佢係我lucky star，有次佢話一隻四千蚊嘅戒指好靚，點知拎出去慈善拍賣籌到三十萬。（你生日願望？）只要Julie兩母女開心，我就開心。」
文：名人組