Ana R.幸運戒指催桃花
混血名模Ana R.早前與前男友David雙雙現身活動，她直認不排除復合，開心展示幸運戒指，望桃花運降臨。反而崔建邦緋聞女友Marina V.被男友指非理想對象，即表現驚訝。
Ana R.與崔建邦緋聞女友Marina V.昨日齊齊出席Columbia活動，Ana透露剛從馬來西亞工作返港，一落機就趕來現場，開心與大家分享馬來西亞之行，興奮展示手上的紅色戒指。Ana說：「當地大會送咗隻風水戒指畀我，隻戒指上面有數字，可帶來好運。（桃花運？）希望啦，都希望下年有個新嘅開始，會帶畀我愛情運！」
成日約埋去街
Ana日前與前男友David雙雙出席活動，被問到是否愛火重燃？她甜笑地回應：「可能啦！我哋雖然分咗手八個月，但係仍然係好朋友，成日都會一齊食飯同睇戲。」至於聖誕會否一齊度過，Ana表示David將返家鄉，而她的家人則將會來香港，大家分隔兩地，各自陪家人。
悉打女友前科
另外，早前崔建邦（Amigo）揚言Marina並非他的理想對象，Marina聞言即表現驚訝：「好surprise！（你兩個關係？）No comment，私人事唔想講。我哋有保持聯絡，不過大家現階段專注工作。（知否Amigo打女友的往事？）佢有同我講，但我覺得唔係真嘅。（喺你面前扮嘢？）唔覺得，我見唔到佢任何唔好嘅嘢，可能我對佢認識唔夠多。」至於兩人會否一齊過聖誕，她說：「聖誕未決定做乜，但會留喺香港。」
文：名人組