G.E.M.變豆丁GaGa獨舞呻苦
樂壇巨肺G.E.M.日前為新歌《One Button》拍攝一個穿越時空的MV，一向乖乖女的她擺脫以往可愛乖乖女的形象，以多個誇張造型上陣，包括阿拉丁燈神、未來機械人、Punk爆雞冠頭等等，十足一個「豆丁版Lady GaGa」，Rock味十足。
個唱玩百變
G.E.M.說：「呢啲造型都係搵外國設計師幫我度身訂造，頂帽啲鑽石仲係設計師逐粒逐粒黐上去，我以前都冇試過呢類打扮，希望下年三月演唱會都會有咁多造型玩啦！」
另外，G.E.M.被導演要求着住高踭鞋於鏡頭前不停跳舞，加上連續換妝幾次，令她苦不堪言，她說：「以前有班dancers陪住我嘛，依家一個人對住鏡頭跳，感覺有啲怪，不過呢排為咗演唱會練舞，搞到拍完呢個MV分分鐘會肌肉痠痛幾日，個人散晒！」
新碟銷量勁
此外，G.E.M.的新碟《My Secret》同時獲得三大唱片HMV、HK RECORD及CD WAREHOUSE的銷量榜冠軍，她說：「好高興呢隻碟可以有咁好成績，諗都冇諗過，希望大家繼續支持我嘅音樂。」
採訪：音樂組