陳偉霆冇膽裸畀阿Sa睇
陳偉霆（William）昨日到電台宣傳新專輯，對於女友蔡卓妍（阿Sa）日前回應其赤裸半身封套時突然面紅，William笑說：「我冇見過佢面紅，可能佢尷尬呢。（你喺佢面前露？）我驚我面紅喎。（對住佢冇信心？）佢成日拍戲合作過咁多有身材嘅男仔。」William笑言如有機會與女友阿Sa一齊出席活動都不敢赤裸上身表演，他說：「驚佢真係面紅。」
William透露新碟放入歌曲《尾巴》MV，他說：「呢個MV係我入行最大嘅製作，用咗接近七位數。（驚唔驚有人抄你個MV？）驚驚哋，不過有心理準備，希望抄之前搵埋我拍，我絕對唔介意。」