周汶錡爆男友粉紅乳頭
周汶錡昨晚出席活動時再次澄清與緋聞新歡高以翔只是朋友，對於高以翔胸前的粉紅乳頭，她風騷地說：「你又知我男友唔係？」實行向外籍男友Julien大派定心丸。
周汶錡（Kathy）、徐若瑄、許志安及陳嘉桓等昨晚盛裝出席晚宴，當中只得十八歲的陳嘉桓大晒事業線，挑戰身穿低胸裝的徐若瑄。Kathy早前被拍得與台灣型男高以翔密會，她再澄清只是朋友關係，與對方不常聯絡：「仲敢咩！（外籍男友詐型？）做咩詐型？唔講喇！又擺我上枱！（佢有冇睇過啲相？）實有人send畀佢睇。」
提到高以翔被冠以「粉紅乳頭男」的稱號，Kathy即說：「你又知我男友唔係？」問到是否對粉紅色情有獨鍾？她即尷尬笑了兩聲。對於男友身高不及高以翔，她說：「高以翔的確係高，質素都OK！（心動？）唔會！個個都心動我咪好唔得閒？（向男友派定心丸？）OK嘅！」提到曾與她傳緋聞的連勝文槍傷後終出院，Kathy冷淡地表示已問候對方。
徐若瑄強調單身
患上感冒的徐若瑄自言聖誕會與家人度過：「我沒有男友。（馮德倫呢？）他亦說沒有女友！（多久沒拍拖？）想留一點隱私。」問到是否羨慕徐熙媛閃婚？她說：「有衝動是幸福，但最重要長久。」她承認曾經有衝動閃婚，問到是否舊愛吳奇隆？她即以廣東話說：「唔好亂講！」
另外，許志安前女友公開表明愛眼細異性，他扭擰說：「我眼係長，明艷照人。（拒愛？）係想自然啲。（平安夜約佢？）佢要唱聖詩。」他承認因怕壓力拒公開感情事，但結婚必定公開。
文：影視組