紅姑笑好瘀冇人問價
鍾楚紅（紅姑）昨晚穿一襲黑色低胸裙出席活動，大晒深長事業線，盡展一代性感女神魅力。問紅姑可有遇過富豪問價，她說：「從來都冇試過，係咪好瘀？不過其實都好彩，自己唔係應酬嘅人，應酬唔係我性格。唔淨止呢行，社會風氣變咗，每一行都有。女仔應該潔身自愛先會得到別人尊重。（追求真愛？）我係o架，我唔需要好多錢，我自己都搵到錢。（為愛情放棄麵包？）我肯定係。」
溫碧霞仍接電話
同場的溫碧霞就坦言經常被問價，不過她一一say no，她說：「好抗拒，感情唔係用金錢可以出賣，我追求真愛，唔會做不道德交易。試過有人叫我開價，甚至幾千萬，我覺得好厭惡，好侮辱女性，應該畀番啲尊嚴女仔。依家都仲有人打嚟問價，我會叫佢唔好再打嚟。」而楊采妮好彩有公司幫她截晒啲電話。
