羽翹充媽咪與歌迷傾心事

歌手羽翹（Ava）昨日以一身H&M的tube dress打扮為手提電腦品牌行catwalk，Ava表示拎住電腦行騷，心驚膽戰，開騷前不敢搽handcream免得會跣手。提到她在微博訓示歌迷，Ava說：「班fans唔乖囉，之前有個活動，好多fans嚟到，反而班幹事冇到，搞到冇牌又入唔到場，佢哋年紀仲細，未係好識處理事件，後尾有歌迷喊晒咁打嚟公司話知錯，咁我都會心痛，只要佢哋明白就OK！」Ava坦言不少歌迷來自單親家庭，她有時會充當媽咪或者朋友的角色，跟歌迷傾心事。