梁思浩昨出席好友糖水店開幕，一到來便向記者說了一個自己的喜訊：「我開咗一間六千呎糖水工場，明年亦會再開多兩間糖水舖門市。」糖水生意愈做愈大的他，坦言當年因為肥姐，令他覺得做藝人一定要建立自己的財富，他表示：「當年我曾經車肥姐去見一個上一代好紅嘅藝人鄭君綿，我見到佢要靠執啲菜嚟維生，晚年唔係咁好，離世嘅時候仲冇乜人知，做藝人搵錢好容易，但亦都可以好突然一啲錢都賺唔到。」
