IVY遭峰殺嗲掂宅男
「o靚模狀元」蔡瑩瑩（Ivy）在熱播的快餐店廣告中，憑嬌嗲聲音引起宅男注意，廣告中一副密實行政人員造型的她，原來身材甚有睇頭，更不介意騷本錢：「有『事業線』唔好嘥！」
「o靚模狀元」蔡瑩瑩（Ivy）的聲音嬌嗲獲聽覺敏銳的網友賞識，身為近期麥當勞廣告女主角的她，憑一句對白成功彈出，不過這句對白卻令她的女拍檔吃盡苦頭。Ivy說：「女對手要咬住個漢堡包，拍之前排晒30個包出嚟，工作人員話如果我講得唔好，我個對手就要食晒佢。拍嗰時要試緊張、開心、輕鬆等唔同嘅聲，最後佢食咗十幾廿個。」
樂意性感
Ivy表示拍攝時很緊張，想不到導演最後選了她前期的演繹，而拍攝前工作密麻麻，她要連踩卅六小時，她愈忙愈精神，足足五十多小時沒有睡。至於Ivy的廣告造型相當密實，行政人員look掩蓋了其身材，雖然她的「事業線」不敵同門的「百果園咪神」陳靜，但手腳纖幼的Ivy身材亦不弱，更不介意谷胸騷本錢：「視乎工作需要，性感少少都OK，有嘅唔好嘥！」
文：專案組