Jeana解放挑逗嘥彈藥

早前新八模「翻版范冰冰」Jeana被時裝品牌Urban Stranger睇中，邀請她拍攝新廣告，當日她要與一位老外男模有不少黐到實一實的「埋牙」鏡頭，專業的Jeana亦非常識做，不但按照攝影師要求露bra晒半胸，還自動擺出多個嫵媚誘人眼神撩男模，令在場的工作人員都對效果極為滿意。

真空怕洩春光

可能導演想力求完美，臨時問Jeana可否更激地真空上陣？Jeana見公司有同事在場「監管」，了解過後都覺得可以接受，於是便答應要求，由於Jeana事前未有好好準備防走光措施，所以拍攝期間她都非常小心，不時左顧右盼檢查胸口，看看有否春光乍洩。

未料反而老外男model則非常忸怩，要攝影師再三糾纏下才肯「就範」解放，搞到Jeana好冇癮，雖然鏡頭前他們如像熱戀情侶般親熱，但當一拍完二人就會自動散開，全程零交流。

Jeana為拍廣告，不惜應導演要求臨時真空上陣！

Jeana為求美感，願拋胸上陣，未料男模比她更忸怩。

同聲同氣好啲

事後Jeana亦坦言對老外好感不大，她說：「其實之前都有同外國男仔拍過拖，但最尾都分開咗，之後都覺得自己搵另一半都係搵番中國人好啲，大家會同聲同氣。」

文：專案組