舒淇孖男伴泰歎聖誕
感情路上交白卷的舒淇，直言因工作要四處飛，根本沒時間去找對象及發展感情，惟有靠緣分安排，更直言不能像大S般閃電結婚，需時間去了解。同場抱恙出席的陳寶珠不會向兒子催婚，更未有抱孫念頭。
女星舒淇昨偕同身為「香港血癌基金」愛心大使的陳寶珠，出席「香港血癌基金×海港城『窩心聖誕窩』慈善籌款揭幕禮」。大會今年邀得日本插畫大師谷口智則合作，把其代表性的繪本角色化為聖誕布置，而抱恙出席的寶珠姐，獲現場多名寶珠迷吶喊助威支持。
沒時間發展戀愛
舒淇本打算在紐約度過白色聖誕，但因要為新片《非誠勿擾2》做宣傳而返港，活動後更要飛到泰國逗留三、四天拍廣告，故順道叉電兼度聖誕。問到此行會否有男伴同行？舒淇坦言：「有！男伴咪即係男性朋友，（有冇可發展嘅男性朋友？）個個都有可能，或者個個都冇可能，感情唔係話嚟就嚟、等一下子就嚟。（你想等一下子就嚟？）有時唔係天雷地動唔係一下子就嚟，不過凡事冇絕對。」
問她是否對感情事不積極，舒淇說：「係冇時間，我連下個月去邊都未知，根本冇時間去畀機會人，不過一個人都幾自由。（會揀圈中人？）唔關事，今年只有一個半月喺香港，根本冇停留喺一個地方，好難去識人。」
至於會否想如大S般有天雷地動的姻緣，舒淇說：「緣分好難講，都幾浪漫，但比較唔啱自己，快得咁交關。（閃電結婚？）唔會，要慢慢認識了解，兩個人一齊係一世。」
寶珠姐未諗抱孫
另外，聲沙沙的寶珠姐自嘲聲線性感，原來她大前日和朋友飯聚後已開始聲沙，前天更失聲，不知道是否當晚連吃五隻大閘蟹所致，更笑言最多一次吃掉七隻大閘蟹。她表示聖誕節會在家中開派對，並會邀請兒子的女友到來，至於會否催婚，她說：「唔會畀壓力，順其自然啦。（想抱孫？）冇諗住，因為呢個世界太艱難，將來啲細路會好辛苦。」
文：名人組