蔡卓妍陳偉霆分開過聖誕
陳偉霆（William）昨日推出新碟，碟內附送他的性感露點年曆，對女友蔡卓妍（阿Sa）答應會自行購買，他笑說：「買一隻都滿足。」而阿Sa昨日在頒獎禮上被問到對男友的Body點睇時，面紅紅說：「好難答。」聖誕節阿Sa將到北京為梁詠琪演唱會做嘉賓，之後又飛海南做騷，未能與William共度拍拖後首個聖誕，記者打趣笑GiGi比男友重要時，阿Sa否認：「我一早應承咗GiGi，做騷都開心，我唔係有異性冇人性。」
李思捷早前扮「的士陳」惡搞他與阿Sa的戀情，William可擔心李思捷再拿其新歌《尾巴》惡搞？他說：「好囉，幫我宣傳吓。」他表示不介意對方醜化他：「個節目係玩，大家開心就OK。」阿Sa也明白李思捷只是搞Gag：「如果佢冇心，唔係刻意，我冇計。」
