唐詩詠貪靚捱餓完騷醫肚
前晚在頒獎禮上勇奪《飛躍進步女藝員》獎的唐詩詠，在台上致詞時多謝亡母，場面感人。之後她在門外與fans慶祝，好友梁靖琪（Toby）全程陪伴左右，期間兩人又攬又抱開香檳慶祝，Toby更為詩詠得獎而開心至落淚。
之後Toby、林子善及馬國明專程陪詩詠「醫肚」，四人在餐廳食飯慶祝，店員更上前恭賀並為他們拍照留念。詩詠說：「一班好朋友都好支持我，我哋會再慶祝，但今晚就食吓嘢先，因為我為咗着件晚裝靚，怕食嘢會凸個肚出嚟，所以全晚冇飯到肚，依家好餓。得獎嗰刻好感動，亦可以向亡母有個交代。」
