《義海》撼輸《公主》視迷投訴賽果不公
劇集《公主嫁到》於前晚頒獎禮中，揮低勁敵《義海豪情》，奪得「最佳劇集」獎，不少視迷對賽果感「意外」，有指《公主》以網上點擊率，充當收視點公布，相反《義海》收視率沒有計算網上點擊率。廣管局收到15宗有關「最佳劇集」賽果不公投訴，無綫方面亦收到32宗意見，其中16宗指《義海》應獲「最佳劇集」獎。
黎耀祥、鄧萃雯、麥長青和陳法拉，憑《義海》劇橫掃視帝視后及最佳男、女配角獎，卻失落劇集獎，《義海》監製李添勝坦言感失望，他說：「打擊咗手足士氣，不過祥仔同雯女冧莊，係唯一安慰。」對於市民為該劇抱不平，添哥說：「冇辦法，我控制唔到，真係答唔到你呢個問題。」有指祥仔雯女借簽約換獎？添哥說：「我真係唔知，以戲論戲，雯女同祥仔都好戲，但唔代表佘詩曼同陳豪演得唔好，只不過冇一個劇本畀佢哋發揮到。」
而《公主》監製梅小青回應：「全年最高收視冇加埋網上點擊，純計收視，完全冇心理準備攞，宣布嗰刻都呆咗，好愕然，阿佘都戥我開心，其實《義海豪情》都係好好嘅劇集。」