九姑娘籲中女努力有出頭

雯女、祥仔前晚贏得獎項後，於凌晨時分離開電視城，分別與守候的粉絲開香檳慶祝，雯女還着上有卡通「九姑娘」肖像Tee，粉絲則拉着「出類拔萃，實至名歸，萬千星輝，九妹最威」橫額，並送上「九姑娘畫像」及紙製「永遠的視后」獎座給偶像，獎座中更藏有迷你「九姑娘」公仔，逗得雯女哈哈大笑說：「我啲粉絲唔止追星，好有才能o架！」

期間粉絲又為雯女慶祝入行25周年，雯女不禁說：「佢哋提醒咗我，呢個獎畀我嘅影響係，中女們或者入行耐嘅，喺低迷嘅環境都唔緊要，只要努力就行！」跟粉絲慶祝至凌晨點幾，雯女乘七人車先送經理人返家，才返回長沙灣寓所。

雯女冧莊視后，澄清絕對冇以約換獎。

雯女奪獎，阿佘、楊怡與司棋都鼓晒掌。

fans要抱抱祝賀

另一邊廂，祥仔與太太Julia及兒子黎正橋亦在後門與二三十名粉絲飲香檳慶祝，而祥仔的粉絲亦拉着「視帝耀祥，演技稱王，豪情一現，更顯光芒」橫額，跟雯女那一幫可謂襯到絕。祥仔的粉絲更分外熱情，影完合照就連Julia都不放過，又要祥仔抱抱，只見祥仔來者不拒。

問到祥仔連任視帝可會加價？他笑言：「唔會喇，去年已經有相當升幅，今年咁順利已經好滿足。」而祥仔昨日有一天假期，便與太太接兒子放學，共享天倫。此外，祥仔昨在自己網誌上透露，演過「柴九」、「劉醒」角色後，令他有死去活來經歷，更有退休想法，不過自知戲子情歸舞台兼有粉絲及觀眾支持，要放棄談何容易。

祥仔接受太太與囝囝祝賀，更加開心。

祥仔再稱帝，一班fans舉牌歡迎。

喜聞廣州收視爆

此外，無綫外事部副總監曾醒明透露《義海豪情》大結局，成為全廣州收視冠軍，有一千七百一十萬觀眾，而第二位的節目觀眾只有一百五十七萬，雯女得知開心的說：「勁開心，劇集故事喺廣州發生，九姑娘又咁『巴拉沙』，佢哋冇理由唔撐嘅！」

對於報道指陳志雲回巢幫她爭獎及邀她簽約，雯女強調無綫從來沒有搵過她和祥仔，她說：「唔好令我哋尷尬啦，而且陳生好了解我性格，咁講對我唔公平，講到陳生隻手遮天亦唔公平。」祥仔則說：「我簽約又話畀獎，唔簽又話畀獎，唔合邏輯嘅嘢唔回應。」而雯女接受查小欣節目訪問，被問到有否與「勁敵」佘詩曼傾偈時說：「有傾偈，我哋有互相問候。」

文：影視組