祖兒尾場去到盡唱爆聲

祖兒前晚舉行尾場《NOKIA JOEY YUNG Concert Number 6》，獲劉美君與男友、何超雲、古巨基、老闆楊受成夫婦、黃偉文及密友何韻詩到場支持。甫出場祖兒已直言這個演唱會準備得很辛苦，但卻是前所未有的開心，更感觸落淚：「終於嚟到最後一場，出門口已經開始唔捨得，望住個台就即刻喊，我都唔知自己原來咁感性。」未知是否因阿詩再度現身，她獻唱《流淚眼望流淚眼》時加入對方的《勞斯‧萊斯》，惹來全場歡呼。

蝦碌又感動

前晚演出雖然有點蝦碌，但亦有不少感動位，她唱《搜神記》不慎甩嘴，於是尷尬笑謂：「我忘記咗歌詞添，要靠你哋幫手啦！」全場歌迷即齊齊大合唱；祖兒將她的結他Pick送給歌迷，對方即用祖兒的咪大叫：「你係全世界最正嘅女歌手！」她笑言要歌迷代她保管結他Pick，對方即謂：「六十歲紅館見！」祖兒回應他說：「好，約定你！」場面溫馨。

先與母度假

演唱會在三度安哥下落幕，慶功宴上，司儀叫祖兒為自己表現評分，她謂：「我唔好意思畀分，但係我覺得呢個演唱會可以媲美國際級水準！」她直言前晚毫無保留喪唱，聲沙沙的她說：「做多兩日嘢就可以抖三日，會同埋媽咪仲有班親密戰友去旅行，會去陽光與海灘嘅地方。（唔驚被偷影？）影都無所謂，我驚影咗以為係男人！」她自爆明年將放兩個月大假獨自「流浪」：「呢年真係冇一日輕鬆過，完晒頒獎禮就會走，一個人去旅行，係咪型先？」

另外，祖兒表示Number 6將會作巡迴演出，但暫時未考慮在香港再開Part 2：「出年要拍戲同埋出國語碟，我覺得自己喺香港站穩咗，如果出去發展成功係我嘅光榮。」

黃偉文、何韻詩

賭王愛女何超雲

文：音樂組