女星羽翹日前單拖出席十對新人結婚活動，她甫見記者即大叫「好慘」，她笑說：「連老闆都結埋婚，感覺自己開始落後。」問到是否蜜運中？羽翹大方承認與半個圈中人了解中，她說：「係有目標，要再了解。（圈中人？）半個囉。」
羽翹表示希望在三十歲前結婚：「都想結婚生仔，希望三十歲前做到。（公司畀結婚？）我份約係可以結婚生仔，其實老闆都鼓勵我哋拍拖，希望我哋多啲人生經歷。」問到有否叫老闆介紹有錢人給她認識？羽翹哈哈笑說：「佢啲朋友我全部識晒，不過我唔鍾意，喺嗰度搵唔到對象。」
