官恩娜樂做中女唔急結婚

2010年對官恩娜來說絕對是充滿驚喜的一年，去年她無心插柳上了《超級巨聲》後「一炮而紅」，令人再次記得她的歌手身份，今年Ella工作不斷，出唱片、拍電影、參演舞台劇及登台等，荷包豬籠入水，問到是否吐了一口烏氣？她說：「又唔可以咁講，最緊要唔好放棄，堅定信念係有轉機嘅。（放棄過？）冇，但唔開心就有試過，惟有盡量繼續做。（爭氣？）梗係有，最開心係外界睇到自己嘅努力，唔再淨係睇是非同緋聞。」

問到是否行運？她笑稱：「唔好咁講，但媽咪喺屋企睡房同樓梯間，放咗鮮花瓣，佢話做呢行最緊要充滿『生氣』擺啲新鮮花瓣，人都精神啲。」

Ella與男友感情穩定，但她想將焦點放回工作上，故戀情不欲多談。

官恩娜今年工作愛情大豐收，惟她否認已升呢為小富婆。

40歲前生B

而Ella與男友感情穩固，但她直言不欲多談戀情，她解釋：「我只係想將焦點放番自己工作，唔想講太多感情嘢。（結婚？）個個女仔都會諗，但呢行好多女仔都遲婚，我想40歲前生BB，所以忙多幾年先。」問到會否擔心被標籤為「中女」？她說：「唔到你怕，都係一個標籤啫。（百毒不侵？）有時明白人哋點解咁做，我嘅EQ如同坐過山車。」對於小巨肺林欣彤一唱而紅，Ella則需默默耕耘多年，她樂觀說：「傳媒朋友都好錫我，人最緊要學習同進步，錯要認，至緊要改過。」