周柏豪體貼三招冧爆江若琳

江若琳（Elanne）、柏豪及徐正曦昨日以「愛寧大使」身份出席《2010年世界愛滋病日紀念典禮及慈善愛心癲當RED TEE》發布會，雖然Elanne與柏豪曾傳緋聞，但分屬好友的他們於活動上未見尷尬，相反柏豪在台上盡顯紳士風度，先為Elanne袋着講詞，又協助對方戴上紅絲帶扣針，在大合照時，為免氣球遮着Elanne靚樣，細心的柏豪再次出手拿開絲帶，相當體貼。

對於大施冧功，柏豪就表示出於風度，問到他會否擔心再有緋聞？他即說：「怕呀！影響工作，咁係唔健康。」

周柏豪細心為江若琳戴上扣針，旁邊的徐正曦則自己顧自己。

江若琳、周柏豪、徐正曦等出席世界愛滋病日活動。

柏豪坦言即使拍拖亦不會公開，至於結婚？他說：「睇吓對方想法，我覺得收埋係保護。（如果對方想公開？）會驚，如果係行內人會覺得佢係咪博宣傳，如果唔係仲驚，唔知佢咩心態。」提到預防愛滋病方法，柏豪就大方表示應使用安全套，他說：「係成年人，講出嚟唔會尷尬啦，係負責任行為，細個都唔敢問屋企人，問學校社工啦。」

讚師弟絕種好男仔

此外，Elanne帶着廣東話唔正的師弟徐正曦出席，她說：「之前拍劇都有教佢廣東話，以免佢出席公開場合講得唔啱音變咗粗口。」Elanne又透露徐正曦為人害羞，曾被誤會Cool爆，並讚他是絕種好男仔，Elanne說：「佢唔會口甜舌滑，好踏實，自己都鍾意呢啲男仔，因為如果口花花，氹得我都可以咁樣氹第二個。」

採訪：音樂組