黃伊汶送金豬牌賀谷祖琳

黃伊汶昨日出席Links of London活動，表示是準新娘好友谷祖琳的姊妹團之一，還表示會送金豬牌作賀禮，而問到她與陳國坤感情是否穩定？有否商量婚事？她則扮傻說：「同邊個拍拖都好，一日未結婚都仲有好多選擇，呢個moment唔想搞結婚，搞其他生意先。我唔得閒同佢傾，能夠搵到付託終身嘅唔易，到時你哋咪知道邊個！」她又透露弟弟辦喜事，並笑言：「等於我自己娶老婆！」
谷祖琳的婚紗照，由夏永康操刀。
谷祖琳的婚紗照，由夏永康操刀。

而谷祖琳透露今個月18日大喜，找來好友夏永康義務操刀拍結婚照，而本地設計師何國鉦與另一好友分別設計婚紗與晚裝，並定於尖沙咀洲際酒店筵開58圍，但卻感到懊惱：「佢哋只可以擺到50圍，我依家仲頭痛緊。」她表示與老公Andrew Lau拍拖約一年，被記者笑她快婚，她說：「老公同男友感覺唔一樣，會好明確，會feel到嗰個人係咪老公。（婚後努力造人？）未有計劃，但老公想。」

黃伊汶（左）及李彩華賀谷祖琳結婚。
  • 黃伊汶（左）及李彩華賀谷祖琳結婚。