甘國亮唔收錢撮合發哥嘟嘟
名模琦琦、Jocelyn及老公Anthony、甘國亮及戴妮廷等，昨晚出席德國品牌MCM開幕活動，而來自紐約、曾參與人氣電影《色慾都市》設計工作的著名形象設計師Patricia Field，亦專誠捧場，原來她有份為該品牌設計五個產品，包括背包及手袋等。
有指甘國亮拉攏兩大美人鍾楚紅及繆騫人合作拍戲，他聞言說：「點解會咁講？冇做過呢件事。（拉攏佢哋？）我鍾意呢兩個名。（私下同佢哋見面？）冇，如果你哋報咗出嚟，而佢哋肯食飯，當然OK啦！依家我忙緊拍《熱愛島》，等緊吳鎮宇喺蒙古返嚟。」鄭裕玲（嘟嘟）和周潤發這對「螢幕情侶」日前難得聚首，問到會否替他們度身訂造劇本？甘國亮說：「如果佢哋難得合作，就唔拍劇，要拍都拍電影，我一毫子都唔收幫佢哋寫劇本。」
琦琦度假地要安全
另外，琦琦表示已計劃聖誕節舉家到東南亞歡度：「歐洲好凍，車都揸唔到，飛機又成日delay。（揀韓國？）唔會，怕度假去咗『防空洞』，依家兩邊（指南、北韓）關係太緊張，所以唔去，泰國都唔會去，始終一家大細最緊要，揀安全及安心地方。」至於Patricia表示第二次來香港，大讚香港充滿力量。