吳雨霏防愛滋 要男友自覺驗身
吳雨霏（Kary）昨日與Mr.及RubberBand出席預防愛滋病活動，Kary透露有一名十二歲的胞妹，故經常提醒母親要叮囑妹妹要保護自己，她說：「其實都冇咩好尷尬，有咩就直接講！（好擔心妹妹？）佢始終係女仔又開始大個，但我對妹妹有信心，知佢唔會亂嚟！」Kary又言另一半應要每年做身體檢查，問她另一半可有檢查？她即面露尷尬說：「佢應該會自動自覺！」而身旁的RubberBand成員泥鯭即幫口說：「我左邊身叫右邊身check，上半身叫下半身check！」
另外，Mr.成員Dash表示沒有性行為最能預防愛滋病，但主音Alan則說：「除咗性行為外，吸毒同針筒都好有機會感染愛滋病，所以年輕人真係要遠離毒品！」