馬浚偉打定輸數：攞視帝係奇迹
馬浚偉獲提名「視帝」，並盛傳已進入五強，不過他笑言若攞獎乃奇迹出現，但就看好麥長青（麥包）奪男配角，更指其劇中角色「非凡哥」今次食屎都食得抵，麥包則稱獲偶像周潤發力撐而感興奮。
馬浚偉、麥包、唐詩詠、苟芸慧等昨日出席劇集《紫禁驚雷》拜神活動，馬浚偉表示有兩套新劇都快推出，但坦言在年頭播映，明年的頒獎禮又輸蝕：「《老友狗狗》都係今年五大收視，唔係好抵，好似《蒲松齡》收視咁好，又用嚟打世界盃，自己入行咁多年，好多劇都係用嚟打仗，如果真係攞到獎就係奇迹出現。」他坦言今年唯一心願是希望麥包奪男配角，更謂：「一個咁食屎嘅非凡哥都咁受歡迎，今次食屎都食得抵！」
獲發哥鼓勵好興奮
男主角方面，馬浚偉表示沒投票，若真的要投就會投鄭則士，皆因對方教懂他不少東西，而他亦不相信鄧萃雯以簽約換獎的傳聞。至於入選男配角的麥包，提到被發哥看好時，他自爆早前拍外景時碰見對方，更獲發哥向他說鼓勵說話：「原來唔只係個天睇住我哋點做人，發哥都睇住我哋點做人，佢係我偶像，淨係由佢把口讚我嘅演出，已經好榮幸同興奮！」
苟芸慧借祖藍一用
於劇中首次飾演奸角的唐詩詠，既要惡又要有霸氣，對她來說是一大考驗，而繼《真相》後她再與馬國明飾演一對，坦言更有默契。
廣東話不太好的苟芸慧表示自費找來兩位老師上堂，更表示王祖藍答應她在演唱會後會教她咬字，更笑言李亞男也是學咬字學到個男朋友！苟芸慧笑言：「我只係借佢個男朋友用吓，唔會亂嚟嘅！」
文：影視組