林文龍郭可盈想追多件
郭可盈與林文龍前晚十指緊扣出席活動，被問到囡囡現時幾大？可盈開心的說：「十個月喇，好快，依家佢學緊講嘢，咿咿呀呀咁好嘈，見到佢好開心，好有生命力！將要搵學校，身邊朋友好多意見，我哋都十五、十六，仲未諗定。」
一談起女兒，郭可盈與林文龍便滔滔不絕，問他們可會追多個小朋友？兩人相望而笑再說：「依家仲研究緊，覺得隔兩、三年最完美。（蔡少芬有咗ＢＢ喎？）恭喜晒。」
夫婦倆前晚恩愛示人，但昨日有傳郭可盈、林文龍前經理人汪子琦聯同兩人之另一前經理人王怡卿數臭郭、林兩人，指他倆的感情生活相當複雜，記者就此事致電兩人，但他們的電話已停止服務，未能作出回應。