欣宜擔心秋官夾硬開工
鄭少秋（秋官）日前在拍劇期間不慎墮洞受傷，最後需要入院接受治療。其女兒鄭欣宜昨出席《我愛HK開心萬歲》拜神活動時說：「我收到消息後第一時間打畀佢，但無人接。佢覆電話時仲叫我唔使擔心，反安慰我，唔知點解我即時喊咗出嚟！大家印象中父親好後生，但佢唔係二十歲喇，大家都知我父親工作好努力，所以我擔心佢會夾硬負傷返劇組。」她希望父親有時間休息，故暫不會探望。
另外，秋官昨前往看專科醫生，接受頸部治療，事後感覺好多了，隨後便回家繼續休息。據知秋官打算今日（二日）便會繼續開工。
另外，欣宜昨出席《勁歌金曲》錄影，來年一月出碟的她未能趕上年尾的頒獎典禮，她表示未感可惜。同場的官恩娜透露將與林欣彤在《歡樂滿東華2010》上jam歌，雖「巨肺對巨肺」但她稱是交流而非比賽。