志偉寸爆：冇有錢人角色
曾志偉聯同數十位演員為新片拜神，在百多名演員名單中卻獨缺林峯，志偉稱只是其檔期未能配合，並多次強調隨時有角色等他客串，只是欠有錢仔角色給他而已。
志偉昨以監製身份率吳君如、梁家輝、李治廷、陳法拉、商天娥等數十演員，出席電影《我愛ＨＫ開心萬歲》的拜神儀式，並到搭建而成的舊式屋村場景拍照。
黃家禧職位未變
現場派發的一百一十二位演員名單表中，竟沒有樂易玲愛將林峯的名字，志偉幽默的說：「未定住，仲有十二日拍。可能佢隨時飛返嚟客串。（擔心他拖垮票房？）唔會咁嘅，電影啱就會搵，每個人都有票房，佢又係年輕人偶像，有人睇嘅，我對佢有信心。（有咩角色啱佢？）我哋部戲無有錢人角色，可能做吓爛仔呀、低下階層咁啦。」而曾指林峯「擔唔起」電影市場的邵氏製作總監黃家禧，被問到是否因林峯「撐唔起」而沒份演出時，他說三聲「唔係」後說：「唔可以咁講，從來無話佢唔好，唔好將件事化大。」問到被降職傳聞，他支吾以對後稱四十年來職位未變過，與樂易玲和林峯見面亦沒有尷尬。
君如高難度纏綿
台上志偉讚揚君如今年終於「深明大義、棄暗投明」，暗示與他聯成一線對抗黃百鳴賀歲片《最強囍事》。君如說：「佢咁講但我唔可以咁講，黃老闆都搵我拍咗好多年賀歲片，最緊要電影好睇。希望出年大家又交替吓個組合。」對於與劉嘉玲和張栢芝打對台，君如笑說：「無得比，無論樣貌、身材我都最靚，個個都咁講。（票房呢？）兩部戲我都唔想得失，惟有撐《神奇俠侶》。」
君如早前與梁家輝拍攝一場在公屋的板間房內纏綿戲，又要不能讓朋友聽到「聲音」，笑言相當難演。
文：影視組