賭王賀雙喜 超蓮宣布單身
賭王何鴻燊昨日89歲農曆生日，三太陳婉珍與女兒何超雲及何超蓮一同賀壽。超雲緋聞男友張致恒（Steven）亦在場，令關係更撲朔迷離，超蓮則公告回復單身，與Jeremy甩拖。
何鴻燊昨晚慶祝89歲大壽及榮獲大紫荊勳章，在珍寶海鮮舫筵開十五圍，楊受成、楊超成、大房孻女何超雄、賭王孫女何家華等出席，泳兒、關智斌及Steven擔任表演嘉賓。
超雲Steven同場
賭王胸前掛上兩個勳章，精神不俗，超雲一直陪伴左右，她與周柏豪傳緋聞後又與Steven微博傳情，兩人還以「肥仔肥妹」相稱，昨晚兩人同場，Steven被笑指見家長，他說：「老闆叫我嚟唱歌，我哋係朋友啫，邊有咁多緋聞，如果個個去街都傳緋聞，咁我就大把。（點解叫肥仔肥妹？）咁佢係肥妹，我又係肥仔。」被問到有否發展機會？他說：「唔排除，都有機會發展，呢啲隨緣。（對超雲印象點？）朋友，佢喺外國返嚟都會約我食飯。」又說沒有留意超雲與周柏豪的緋聞，只知超雲好鍾意林峯。
「依家冇拍拖」
何超蓮被問到何以男友Jeremy沒有陪同？她即說：「我幾時話有男友。（你哋分手？）依家冇聯絡，從來冇話同邊個一齊。（但你行為話畀人知？）總之依家冇拍拖，唔想講呢啲，費事成日被人追影。」談到擇偶條件，超蓮說要似爹哋及要有幽默感。問到超雲與Steven的緋聞，超蓮說：「我喺微博同Steven都係朋友，同柏豪亦係朋友。（家姐同周柏豪係咪一齊？）唔知佢哋乜關係，總之我唔係紅娘。（你同柏豪有否發展機會？）冇，一定冇。」至於四房已於早前低調為賭王慶祝。
文：名人組、追蹤組