陳美詩加料胸襲台慶

無綫台慶於今晚舉行，外表斯文的Macy積極備戰，日前她除了試戴六位數字的鑽飾，銳意閃爆全場外，毫不吝惜玲瓏身材的她，又到時裝店揀晚裝，穿上Deep V低胸晚裝時，盡現深長的事業線，連店內的男售貨員也被其艷光吸引，排住隊要求和Macy合照！

自認打底王

Macy表示去年以豹紋野性Look示人，有感已「大個女」，故打算以高貴又性感的造型出現，她說：「其實性感要視乎場合，做大騷性感少少都唔係問題，最緊要靚，好多謝珠寶同時裝品牌贊助我，我先有機會咁靚。」

她覺得性感打扮最忌走光，故她一定做足安全措施，她說：「因為會流汗同有油脂分泌，所以用『缽仔糕』時，我會D.I.Y.加多塊布喺『缽仔糕』度，我都係打底王嚟架。」

唔使男友管

問她可擔心惹男友Eric呷醋？Macy覺得男友會明白是工作需要，況且自認大女人的她說：「我唔使佢管我，我會有分數。」她又稱雖然外表柔弱，但絕不是千依百順的女友。

有謂每年台慶，眾女星都「胸」群而出，可擔心有比較？Macy覺得無綫所有藝人都是靚仔、靚女，故難作比較，如要她揀最好身材的藝人，她首選王祖藍，她哈哈笑說：「佢對腿又長又瘦又白滑，我哋全台女仔都好羨慕佢對美腿架！」

採訪：音樂組

場地及服裝：TED BAKER

珠寶贊助：六福珠寶