陳柏宇喪彈結他傷肌肉
陳柏宇（Jason）日前出席新城活動，見他右手包住紗布，兼且又腫又黑，似乎傷勢不輕，令人揣測他打架受傷，但Jason着大家稍安毋躁，他指手傷全因彈結他所致，他說：「因為我狂練結他，又冇做放鬆肌肉運動，久而久之就整傷啲肌肉，搞到連手指都屈唔埋，好痛。」他聽朋友話針灸對肌肉痛有療效，故他看過幾次中醫，傷勢明顯有好轉。
問他可會不再彈結他？Jason說絕對不會，笑言：「仲諗緊買過支貴啲嘅結他，我試過支萬幾蚊嘅結他，覺得好彈好多。」他又否認因狂彈rock歌而受傷，他謂：「我都係彈慢歌，我要做情歌王子。」問他曾傳緋聞的HotCha成員Crystal可有問候？他瞪大眼說：「冇喎，你幫我問佢點解唔問候我？」