Ivy有急才 Bambi慢幾拍

Bambi與Ivy進身主持界，為網上電台主持節目，兩人大讚好玩，但為首集節目錄音時難免不停蝦碌。Bambi說：「第一集訪問台灣男子組合AK，要講普通話，有啲難，而且唔識講開場白，每集節目分開四個部分，每個部分都唔識結尾，但第二集就有進步，可以自己講到。（兩人有默契？）同門本身有默契，依家加深咗，畀個眼神已經知講乜。」

仲有進步空間

Ivy則常常忘記叫嘉賓名字，擔心聽眾混淆誰在說話，她說：「成日都唔記得嗌嘉賓個名，好唔習慣，好彩有經理人施念慈提水。」她最怕遇上寡言的嘉賓，所以準備以遊戲令他們說話，對自己的評分有70分，Ivy說：「我淨係識笑，想更加有建設性，仲有進步空間。」

而Bambi卻認為笑是Ivy的優點：「我個人慢幾拍，做節目好考急才，Ivy嘅急才OK，反應快，笑一聲都算係有回應。」Bambi為了鼓勵自己，自評表現有60分，但第一集就不合格。

Bambi（左）及Ivy在網上電台合作做主持，兩人分屬同門，默契十足。

Bambi大讚拍檔反應快，與反應慢的她互補不足。

文：專案組 攝：沈健程

服裝：Duras Ambient