王浩信恨情侶檔搵銀

王浩信由Neway歌手轉型做電視小生，去年更簽約成為無綫「親生仔」，機會接踵而來，最近更在新劇《刑警》中有突破演出，令他一嘗做好人滋味。他說：「入TVB後第一部拍《野蠻奶奶》，之後多數演有錢敗家仔角色，但今次喺《刑》劇入面飾演一個正直警察，對我嚟講幾大挑戰，第一次做好人，感覺幾好。」

讚定欣專業一次OK

Vincent在劇中與胡定欣演情侶，兩人一吻定情，他自爆是螢幕初吻，他笑說：「我人生中第一次拍kiss戲，原來真係幾緊張，拍之前好多顧慮，擔心太投入會令對手唔舒服，又驚錫得唔靚，要NG再嚟過，好彩定欣好專業，大家拍之前傾得好清楚，我完全投入角色錫落去，一次OK。」問到拍攝親熱鏡頭，女友YoYo會否詐型？他說：「唔會，佢好大方，知道係為工作。我哋經常會一齊研究劇本，即使YoYo要性感演出我都冇意見，最重要係演好角色。」

陳自瑤與王浩信拍拖近三年，感情十分穩定。

陳自瑤

角逐獎項事業起步

Vincent與YoYo拍拖近三年，感情穩定，並獲公司默許拍拖，他說：「拍拖連拖手都唔得就會好辛苦，公開咗反而冇咁大壓力。（介唔介意情侶檔演出？）我冇所謂，睇公司安排。」對於結婚問題，他自言未有考慮：「我依家27歲，搏殺多幾年，有穩定收入先諗組織家庭，起碼三十歲後先諗。」今年Vincent憑《刑》劇入圍「最受歡迎男配角」，他視為事業起步點，他說：「唔敢諗攞獎，因為非凡哥同排骨仔都好有實力，如果自己入到最後五強已經好開心。」

文：專案組

攝：沈健程

服裝、場地：ESPRIT