張繼聰開騷色字行頭
張繼聰（Louis）將於下月開音樂會及出新碟，自嘲好女色的他笑言嘉賓最緊要有靚女！出道五年，Louis對負面新聞已百毒不侵，開過concert、出過碟，Louis怎樣看自己在樂壇的定位？他說：「近年戒咗呢鋪癮，定位係非同小可問題，作為創作歌手，創作過程嘅快樂已經係結果，如果計較得獎、有冇歌plug、樂壇位置，快樂會流失。」總之音樂就是快樂。
對於即將舉行的音樂會，Louis最緊要好玩：「一二三Go、跳、笑係我期望觀眾到時會有嘅狀態，好玩嘅表演要互動，台上盡力，台下評分，表演者內心小朋友走出嚟，演出先好玩！」會否邀請老婆謝安琪上台合唱？他表示有難度：「佢到時嚟睇我已經老懷安慰，不過唔嚟睇都好，演繹可以奔放啲。」嘉賓雖然未定，但Louis笑言最緊要有靚女：「我控制唔到女色嘛，有任何靚嘅女歌手就好，樂手又開心，呢個先係王道嘛！」
髮型：HairR 化妝：Pinky Ku