李莉琳密密做練蛇腰

Liz外形嬌小五官標致，但卻深受水腫困擾，即將和同門姊妹「百果園E神」DaDa等拍攝月曆，Liz搶先做足工夫鬥搶鏡，她說：「唉，我好易水腫，每次出街做嘢我都要提早四個鐘起身，等個樣可以收吓腫，傳統飲齋啡我乜都試過，依家要靠先進器材先可以幫到手。」

身形欠完美

Liz自認自己身形不夠完美，她說：「最唔滿意自己冇腰形，雖然我細粒，手腳算長，但腰就好短，點瘦都未試過有蛇腰，惟有keep住做多的機，冇辦法啦，我冇乜特別興趣，由細到大都冇乜課外活動，同好多女仔一樣運動細胞一般。」

Liz靠專業科技幫手趕走水腫。

放大圖片

點解冇拖拍

問到是否勤力扮靚於月曆中和DaDa鬥搶鏡？Liz笑說：「邊有得搶呀？佢咁『勁』！自己身材唔夠人哋，梗係要做多啲工夫。」Liz直言和DaDa極之老友，兩人都沒有男朋友，故很多時候可以一起作伴，她說：「冇男朋友都幾好，可以專心啲做嘢，淨係屋企有人會提吓：『點解個女冇拖拍？會唔會做老姑婆架！』」

文：影視組

場地：La Belle beaute.SPA