徐濠縈飛起老公過白色聖誕
潮媽徐濠縈及歌手張繼聰昨晚出席運動品牌活動，身為人母的阿徐表示剛剛教囡囡康堤做功課，對於有直資學校校長利用資金去買基金建狗屋，阿徐表示震驚：「我個女啱啱開始入讀小學，我諗唔會發生呢啲事啩，依家仲未開始話要捐錢之類！」阿徐透露聖誕節老公陳奕迅要去美加登台，她將會帶埋囡囡跟好友黃偉文另覓去處度過白色聖誕。
同場的張繼聰表示一直跟陳志雲有短訊聯絡，對於被列入志雲愛將感尷尬，幸得志雲倒過來安慰自己，他表示希望四大唱片跟無綫關係和好，於頒獎禮上能夠跟太太謝安琪見面，他說：「太太被人話佢係叛逆者，佢係最容易被標籤嘅人，其實佢只係跟公司策略去做啫！」
