胡敏珊戀情玩低調

胡敏珊早前將與外籍男的親密照放上微博，昨日她出席Stella McCartney首個kids collection活動時春風滿面，問她是否沐浴愛河中？她大耍太極，但言語間似是默認：「我好多朋友喎！你哋話係就係！（工作認識定還是係朋友？）乜都係！（發展當中？）你話咩就咩！（唔想講感情事？）我只係想低調，近排龐生（前男友龐維仁）又快做爹哋，唔想大家鬥講，我哋傾過，大家都係生意人，想低調，我哋又唔係明星。」問她是否拍拖都不認？她仍是嗰句：「你話係就係。（話你結婚都係？）你話係就係。」隨後她透露聖誕節或同數名男女朋友去南非旅行，問她會否做電燈膽，她風騷地說：「搵唔到人陪我去咪做電燈膽，可能我去到識到個咪唔使做電燈膽呢！」