葉翠翠拗柴舞唔掂飾誘補飛

葉翠翠和周家蔚日前專程到贊助商六福珠寶為台慶夜挑選首飾，鑽石是女人的甜心，翠翠和家蔚揀選時也看得眼花繚亂，兩人心大心細先後拿起多款首飾比較試戴，揀選得心花怒放。最後翠翠和家蔚分別選了一套鑽飾及藍寶首飾，同樣價值超過百萬港幣。

后冠最貴重

翠翠被問到台慶夜會有甚麼表演？她說：「本來要表演跳舞，但係之前落樓梯拗柴扭傷腳，隻腳腫晒，我本身好怕打針，睇西醫都叫醫生幫我打，當時痛到不停叫救命，可惜打咗針腳傷都趕唔切好番，惟有到時着得靚啲出席台慶。」

問到葉翠翠有沒有收過男朋友送的名貴鑽飾？她說：「呢個係秘密。不過，自己最貴嘅首飾當然係港姐后冠啦！但都好耐冇見過佢喇，因為一直好好保存喺保險箱。」

周家蔚（左）得媽媽從小「培訓」，對鑽飾情有獨鍾。

周家蔚和葉翠翠挑選鑽飾時興奮得笑不攏嘴。

戴媽咪珍藏

周家蔚在今晚台慶會聯同大批藝員表演歌舞，事前更花了十多天排舞。問到周家蔚可喜歡佩戴首飾？她說：「我鍾意首飾都係因為媽咪，細細個已跟佢去珠寶店，依家有時都會問媽咪借啲珍藏嚟戴！」

採訪：影視組　攝影：攝影組