周柏豪網交中招貨不對辦
周柏豪自爆曾相約網上心儀女生見面，可惜真人與相片相距甚大，大呼中招！前晚𡃁模A.Lin、周柏豪、吳浩康、洪卓立及詩雅等一同出席「Xbox 360 Kinect首賣日」活動，其中周柏豪透露年紀愈大愈愛上打機，更謂在網上結識到很多朋友，問到有否網上情緣？他即自爆曾遇上「騙案」：「以前讀書玩ＩＣＱ，嗰時都未興有相，咁通常傾傾吓就會交換相，個女仔張相幾靚o架，之後咪約出嚟囉，點知離遠見到除咗個樣下半身完全唔合比例，心諗賣假嘢中招添，咁咪去快餐店食完嘢即刻走囉！」他謂現在是公眾人物，所以一定會更加小心。
此外，他昨日在微博上透露座駕被爆，車內的音響及唱片都一一被偷，十分傷心！
鍾浠文酸溜溜
周柏豪前緋聞女友模特兒鍾浠文昨晚出席時裝活動，對於柏豪與何超雲傳緋聞，她不無醋意說：「周街都係呢個新聞，唔想睇都睇到。（男友被搶？）同佢係朋友。呢段緋聞依家多人關注，慢慢大家就會淡忘。（覺得佢哋襯唔襯？）佢哋兩個都係型型哋，我覺得應該要一凹一凸。」