周秀娜圓壯舉踩蛋步驚心

周秀娜與莊思敏昨日出席商場亮燈儀式，娜姐即場表演踩雞蛋，而莊思敏在旁相扶，最後順利完成，可惜臨尾香，當她站定在雞蛋上拍照時，突然怪叫兩聲，原來有兩隻雞蛋被她踩爛，令她雙腳沾滿蛋液。

媽咪緊張啲蛋

娜姐坦言事前並沒有練習，表演時覺得心驚，她直言：「我以前睇電視見人表演，印象好深，睇嗰時都心跳加速。細個都想試，但媽咪唔畀，佢好緊張啲蛋。」她說偶像周潤發也試過站在雞蛋上飛筷子，她也有興趣倣效。對於今次能完成壯舉，感到開心。

思敏闔家外遊

提到聖誕，娜姐稱未知是否有假放，她坦言已有兩年沒跟家人及朋友過節，至於男友，她笑言：「大時大節好少一齊慶祝。（男友有冇投訴？）佢依家開始開同我度期。（男友優先？）我擺佢喺第一位，但唔知公司同事係唔係。」不過，她直言以工作為重，不會為男友推工作，但相信不會因而影響感情。

另外，莊思敏則表示聖誕會與家人外遊，但地點有分歧，她說：「妹妹想去凍嘅地方，我想去熱嘅地方，因為擔心太凍家人會感冒。媽咪好易中流感，上星期佢先病，之前仲試過登革熱。（會唔會同男友去？）唔會，同佢去好煩，佢冇耐性行街，會面黑。」對於王晶父親王天林逝世，她感到難過，並已以短訊問候王晶。

文：名人組