杜琪峯願同阿姐擺和頭酒
一代導演王天林離世，不少圈中人均感難過。曾志偉出席《萬千星輝賀台慶》拜神活動時說：「天林叔係好難得嘅老師，做事夠創新，否則點會有王晶呢個咁創新嘅仔吖？」
另外，有指王天林遺願是希望汪明荃與杜琪峯能和好如初，記者欲開口問汪明荃時，汪明荃說：「我喺微博講晒啦。」而杜琪峯昨晚出席《電影光輝六十年》活動時則說：「其實互窒都係溝通方式之一，有頂撞唔等於唔係朋友。（同阿姐擺和頭酒？）如果你（記者）想咪擺囉。」至於會否開戲悼念天林叔？他說：「唔會嘞。（扶靈或舉行追思會？）未知，等王晶做統籌，相信喪禮在十二月初舉行。」