陳偉霆冧爆獻吻回禮

陳偉霆與「師姐」蔡卓妍（阿Sa）愛得甜蜜又大方，雖然兩人各有各忙，但都不忘以微博公開傳情，前晚他在微博上載生日蛋糕照：「實在太驚喜啦！謝謝你們！muah*（親吻的聲音）」原來這正是女友為他準備的生日驚喜！

約齊一大班好友

昨日陳偉霆出席xbox360活動時，直認這個驚喜令他非常開心：「尋日（前日）佢打嚟問我食唔食飯，本來錄到成十一點幾想唔去，但係女友（阿Sa）叫我上去坐吓。我去到駿景咩人都冇又冇嘢食，佢話太夜所以大家都走晒，嗰刻我真係好Down，喺呢個時候，成班好朋友突然喺隔籬房衝出嚟，原來佢安排咗咁多人同我慶祝，真係好開心！」

苦練打機免失威

陳偉霆昨日為大會示範最新跳舞遊戲，問他可會與阿Sa在家中「鬥舞」？他笑謂：「佢實會輸畀我，其他嘢可以讓，跳舞呢家嘢我唔會讓。」他笑言若在女友面前輸掉，感覺很失威，但都曾經玩乒乓波遊戲時敗給阿Sa：「通常男仔打機，女仔會喺隔籬問邊個贏邊個輸，為咗嗰刻型仔，我成日都苦練打機！（輸畀阿Sa好冇面？）我惟有話讓佢囉，哈哈！」

文：音樂組　攝：黎志輝