基仔陳總飯聚兩粒鐘
古巨基跟陳志雲交情深厚，志雲復職，基仔也戥他開心，復職當晚陳總與一眾親密戰友吃飯慶祝，本來也預了基仔份，但基仔當晚因工作關係未能出席，前日基仔的尖沙咀時裝店開幕，有粉絲報料指晚上九時左右，志雲在基仔的時裝店出現，逗留了一會兩人便登車到尖沙咀吃飯。
基仔特意揀選陳總愛吃的一間Fusion御用飯堂，兩人吃了兩個鐘才離開，陳總滿臉笑容，基仔說：「大家好耐冇見，食餐飯啫。（傾乜？）冇乜特別，呢餐飯約咗好耐o架啦。」
基仔前日缺席港台「十大中文金曲頒獎禮」記者會，「四台聯頒」今年召集人港台動議停辦一年，並突然宣布自家特設「傳媒大獎」獎項，備受非議，早前為搶「頭啖湯」又將頒獎禮安排在平安夜12月24日公布賽果，打亂歌手黃金搵食檔期，引起不滿，據知港台再度「玩嘢」，又計劃將頒獎禮延至明年１月7日舉行。