陳靜做業主一鋪清袋

昨日「百果園咪神」陳靜（DaDa）、趙碩之（Wylie）及洪天明舊愛梁郁霖出席黃埔新天地舉行的「全球首個聖誕Moderno小飛俠阿童木」記招，三人化身性感聖誕女郎騷事業線，不過以Wylie稍為失色。

一次畀三成首期

DaDa表示今年是首個單身聖誕，但無意趕在佳節前結識男友，她坦言：「太倉卒，我怕係假姻緣，咁就唔好。」她又開心自爆送了一份神秘禮物給自己，問她是否成功置業？問她承認：「只係落咗訂，仲未完成交易。層樓係我一個人住，係對自己獎勵。（樓價咁高仲買樓？）有人話會升，有啲又話會跌。」問她今年是否收入甚豐，DaDa直言一次過給了三成首期，家人亦有幫助小部分，她說：「我好感恩，希望下年可以買樓畀屋企人。」她笑言已經一鋪清袋，現時要努力賺錢。

（左起）趙碩之、陳靜及梁郁霖齊齊變身聖誕女郎，提早預祝聖誕。

趙碩之笑言因近日有不少朋友請她食生日飯，竟因此而令上圍升Cup。

幾乎着唔落件衫

另外，Wylie被指不及DaDa性感，她反而說自己上圍升Cup，她大呻：「我件衫差啲着唔落，窄到裏面打唔到底。」她解釋因今天生日，故近期有不少朋友請她吃飯，帶挈上圍由D Cup升至E Cup。Wylie又指前晚有朋友為她搞驚喜派對，她說：「我事前唔知，仲諗住唔去。好多公司朋友都有嚟，前男友都有到，我飲到醉咗。（有冇男仔送你返屋企？）有，不過我有請佢走。我冇失儀，亦冇失去其他嘢。（因為一早失咗？）哈，唔係喺生日。」

文：名人組