甄子丹孖古仔變妝一個化十個
甄子丹拍賀歲片《最強囍事》，開工十天收千萬片酬，昨日凌晨於尖沙咀跟古天樂開工，化身成化妝達人，把《葉問》的對白改成「一個化十個」，一樣大顯神功。
賀歲片《最強囍事》昨日凌晨開工，甄子丹和古天樂以化妝師造型亮相，並請來盧覓雪和麥玲玲客串做「八婆」，兩女出盡私伙搶鏡，盧覓雪更不惜醜化自己配合劇情。
解釋拍10日苦衷
被譽為「票房靈藥」的甄子丹，傳出開工十天收千萬片酬，日薪達百萬，對此子丹說：「無辦法，我只可以拍到22日，23日一定要飛去北京，成組《大鬧天宮》等緊我開廠，不過真係好耐冇喺香港開工。」戲中子丹今次不用「動武」，但仍有機會一顯身手，因為要表演「一個化十個妝」的神技，他說：「我對化妝真係完全唔認識，今次真係學到嘢。」
未接受再養小狗
同場的古天樂皮膚明顯較之前變白，他坦言：「劇情需要，所以暫停咗曬燈。」直言自己入行17年，但原來對化妝一點都不懂，結果要靠睇帶惡補，黃百鳴更因而為他找化妝師教路。問到其十字韌帶手術如何，古仔揭示微創手術後留下的疤痕，坦言比起傳統手術快兩個月復原，其後會馬不停蹄為《竊聽風雲2》及杜琪峯新片開工。另外，早前喪犬的古仔在片場抱起可愛狗仔，並影相上載微博，他透露愛犬過身後媽媽一直想養多隻，但自己覺得未是適合時候。
文：影視組