基仔雄心萬丈擬登陸開店

古巨基的服裝品牌abc第三間分店昨日開張，請了好友周慧敏（Vivian）、鄭伊健和林海峰剪綵，英皇老闆楊受成亦畀面到賀，令基仔十分開心，而他的緋聞助手Lorraine亦在場打點，惟見到記者則勁避鏡頭，霎眼間已閃走匿埋。
周慧敏表示會幫古巨基的時裝店設計女裝。
周慧敏表示會幫古巨基的時裝店設計女裝。

基仔謂希望在內地開分店，問會否叫老闆楊受成入股？他笑說：「雖然叫大公司（a big company），但只不過係小本投資。（Lorriane有冇股份？）冇股份，但有分紅，好多工作有份搞，知佢辛苦。」而Vivian一身格仔斗篷由基仔安排，問基仔是否任她攞衫？Vivian說：「唔會攞，我會幫襯基仔，明年底仲幫佢設計女裝，好好玩。（入股？）自己對數字冷感，冇投資概念。」

基仔的緋聞助手Lorraine(右)見到記者即避鏡頭。
  • 基仔的緋聞助手Lorraine(右)見到記者即避鏡頭。
鄭伊健、古巨基、林海峰齊齊篤波賀新店開張。
  • 鄭伊健、古巨基、林海峰齊齊篤波賀新店開張。