陳志雲愛將真的抬頭了

無綫總經理陳志雲去年被停職後，其黨羽即被內部進行「大掃除」。據知王喜的《囧探查過界》擬在暑假播映，卻被臨時抽起，令王喜無機會角逐「最佳男主角」獎。而早前的台慶亮燈及頒獎禮公布提名當天，亦沒有邀請王喜出席。

慶幸無出席亮燈

當日獲志雲「點燈」接連主持《勁歌金曲》、《正識第一》及《超級巨聲》的張繼聰亦遭全面封殺，志雲停職期間幾乎「零出鏡」。如今志雲回歸，愛將紛紛抬頭。昨晚張繼聰即獲安排上《勁歌金曲》，王喜的《囧探查過界》亦逃出生天有得播。

王喜承認早前無綫亮燈儀式沒被邀請。（資料圖片）

早前幾乎零亮相無綫的張繼聰，昨晚獲安排上《勁歌》。

有傳志雲復職令劇集終可「見街」，王喜坦言：「兩回事，我上個月已經拍咗宣傳片，都未知志雲復工。（原本暑假播？）我知，當時網上好多消息。（冇請你出席亮燈同台慶？）仲好啦，可以慳錢唔使買貴衫。（冇得爭視帝噃！）冇所謂，有工開我就OK，我視富貴如浮雲。」

王喜曾為志雲擔遮擋雨，如今終於有回報。	有傳王喜主演的《囧探查過界》因志雲復職而重見天日。（資料圖片）	志雲僅邀數人出席飯局，羅寶文是座上客。

張繼聰錄影《勁歌》時，一再多謝陳志雲，但笑着否認是「志雲黨」，他指自己屬於「謝（安琪）小姐」。問到會否借志雲之勢而在無綫增加人氣？張繼聰說：「我之前因為忙做碟先少出現，今次上《勁歌》係為咗宣傳新歌，完全唔關陳生事。（覺唔覺志雲有官司復職敏感？）總之依家係最好嘅安排。」

放大圖片	志雲被停職後曾搞飯局，唐詩詠（右起）、陳敏之、張敬軒、孫耀威、張繼聰及鄧健泓均有出席。	基仔前晚因事未能出席志雲飯局。（資料圖片）

此外，前晚志雲在復職後第一晚即約「至親」晚飯慶祝，據知包括羅寶文、好友潘德俊夫婦、許律師等，而圈中人只得王喜及古巨基，但古巨基因事缺席。相比去年三月被停職後一個飯局，愛將崔建邦、唐詩詠、鄧健泓、陳敏之等統統有份，志雲今次除了「篩選」真正愛將，還避免與藝員接觸，以免牴觸復職條件。

古巨基補請食飯

「終極愛將」古巨基昨解釋缺席原因：「忙完新店開張嘢後再去睇醫生，脊醫喺北京嚟唔改得期，睇完醫生佢哋都食完飯，我會補請陳生食。（飯局圈中人得兩個？）係咩？真係唔知，多謝晒！我都支持佢。」至於被「篩」出、又被指與志雲劃清界線的崔建邦，他接受電話訪問時表示不會理「劃清界線」的傳言，並指有約志雲食飯及通電。他說：「戥佢復工開心。（寄望多啲工作？）冇諗呢啲，最緊要佢返工開心。」

文：影視組