無綫放生盧海鵬

盧海鵬公開於亞視節目巡禮「唱衰」無綫，直言可能冇得回巢，昨日無綫外事部副總監曾醒明回應說：「大家都係電視同行，應該互相尊敬、包容同勉勵，咁樣電視業先會進步，喺公開場合作出咁嘅舉動，我哋覺得咁樣謾罵式嘅舉動公道自在人心。」問到無綫會否作出任何行動追究，曾醒明說：「我哋好大方，一向以嚟有建設性嘅批評樂於檢討，但對於無理由嘅謾罵，我哋唔會話有任何反擊，相信觀眾嘅眼光會對TVB有公道嘅批評。（會唔會封殺盧海鵬？）鵬哥作為一個演員，都係演個角色，相信佢純粹係按照劇本演，我哋冇話封殺任何一個藝人，唔會因為咁而嬲咗鵬哥。」